 |
| كلمات اغنية الف ليلة وليلة كوكب الشرق - ام كلثوم |
كلمات اغنية الف ليلة وليلة كوكب الشرق - ام كلثوم
انتاج عام : 1969
لحن : بليغ حمدى
كلمات : مرسي جميل عزيز
.......................................................................................................
ياااااااااا حبيبي .. الليل وسماه .. ونجومه وقمره .. قمره وسهره
وإنت وأنا .. يا حبيبي أنا .. يا حياتي أنا
سهران الهوى .. يسقينا الهنا .. ويقول بالهنا
يا حبيبي .. يالله نعيش في عيون الليل
ونقول للشمس تعالي تعالي بعد سنة .. مش قبل سنة
في ليلة حب حلوه بألف ليلة وليلة الف ليلة وليلة
بكل العمر .. هو العمر إيه غير ليلة زي الليلة زى الليلة
.............................................................................................................
إزاي ازاى ازاي أوصف لك يا حبيبي إزاي .. قبل ما أحبك كنت إزاي ياحبيبي
كنت ولا امبارح فاكراه .. ولا عندي بكره أستناه
ولا حتى يومي عايشاه ياحبيبي
خدتني بالحب في غمضة عين .. وريتني حلاوة الأيام فين .. حلاوة الايام فين
الليل بعد ما كان غربة مليته أمان
والعمر اللي كان صحرا صبح بستان
يا حبيبي .. يالله نعيش في عيون الليل
ونقول للشمس تعالي تعالي بعد سنة .. مش قبل سنة
في ليلة حب حلوه بألف ليلة وليلة.. الف ليلة وليلة
بكل العمر .. هو العمر إيه غير ليلة زي الليلة زى الليلة
.............................................................................................................
يا حبيبي ياحبيبي إيه .. اجمل من ليل واتنين زينا عاشقين
تايهين ما احناش حاسين العمر ثواني والا سنين ياحبيبي
حاسين اننا بنحب وبس
عايشين لليل والحب وبس
يا حبيبي الحب حياتنا وبيتنا وقوتنا
للناس دنيتهم واحنا لنا دنيتنا
وإن قالوا عن عشاقه بيدوبوا في نار أشواقه
أهي ناره دي جنتنا .. ناره دى جنتنا
والحب الحب عمره ما جرح .. عمره عمره ماجرح .. ولا عمره بستانه طرح
غير الهنا وغير الفرح
يا حبيبي يالله نعيش في عيون الليل
ونقول للشمس تعالي تعالي بعد سنة .. مش قبل سنة
في ليلة حب حلوه بألف ليلة وليلة الف ليلة وليلة
بكل العمر .. هو العمر إيه غير ليلة زي الليلة زى الليلة
............................................................................................................
يا قمر ليلي .. يا ظل نهاري .. يا حبي .. يا أيامي الهنية
عندي لك أجمل هدية
كلمة كلمة الحب اللي بيها .. تملك الدنيا وما فيها
واللي تفتح لك كنوز الدنيا ديه .. قولها ليه
قولها للطير .. للشجر .. للناس .. لكل الدنيا .. قول قول
قول الحب نعمة .. مش خطية
الله محبة .. الخير محبة .. النور محبة
يا رب تفضل حلاوة سلام أول لقا في ايدينا
وفرح أول ميعاد منقاد شموع حوالينا
ويفوت علينا الزمان يفرش أمانه علينا
يا رب
لا عمر كاس الفراق المر يسقينا
ولا يعرف الحب مطرحنا ولا يجينا
وغير شموع الفرح ما تشوف ليالينا
يا حبيبي يالله نعيش في عيون الليل
ونقول للشمس تعالي تعالي بعد سنة .. مش قبل سنة
في ليلة حب حلوه بألف ليلة وليلة الف ليلة وليلة
بكل العمر .. هو العمر إيه غير ليلة زي الليلة زى الليلة
..............................................................................................................