كلمات اغنية الحب كله ام كلثوم
nawrtna nawrtna

آخر الأخبار

جاري التحميل ...

كلمات اغنية الحب كله ام كلثوم

 

اغنية الحب كله

أغنية " الحب كله " غنتها كوكب الشرق أم كلثوم سنة 1971

 

أغنية : الحب كله

ألحان : بليغ حمدى

كلمات : أحمد شفيق كامل

-------------------------------------------------------------------------------------------------------------------------------

 

الحب كله ... حبيته فيك ... الحب كله

وزماني كله ... أنا عشته ليك ... زمانى كله

حبيبي قول للدنيا معايا ... ولكل قلب بدقته حس

يا دنيا حبي وحبي وحبي ... ده العمر هو الحب وبس

واسقيني واملا ... واسقيني تاني

اسقيني تاني م الحب ... منك من نور زماني

اسقيني ياللي من يوم ما شفتك ...  حسيت كأني اتخلقت تاني

حسيت كأنى اتخلقت تانى  

            -----------------------------------------------

روح قلبي يا حياة ايامي ... ايامى ... يا روح قلبي

يا حبيبي يا ملاك احلامي ... احلامي ...  يا روح قلبي

انا كنت ايه قبل ما اشوفك ... انا كنت ايه

وكنت عايش يا حبيبي ايامي ليه ... ايامي ليه

طريق حياتي مشيته قبلك ... فى ليل طويل

لا قلب جنبي يحس بيا ... ولا طيف جميل

ولما شفتك اول ما شفتك ... بكل شوق الدنيا لقيتني

مشدود اليك... وفي كل حب الدنيا ناديتك ... وجريت عليك

ناديت ناديت عالدنيا بحالها ... ولكل قلب بدقته حس 

يا دنيا حبي وحبي وحبي ... ده العمر هو الحب وبس

واسقيني واملا ... واسقيني تاني

اسقيني تاني م الحب ... منك من نور زماني

اسقيني ياللي من يوم ما شفتك ...  حسيت كأني اتخلقت تاني

حسيت كأنى اتخلقت تانى 

------------------------------------

 

دا الهوى العطشان ... أه عطشان ... عطشان فى قلبي بيندهك

يا ارق من نسمة  ... واجمل من ملك

انت روحي وكل عمري ونور حياتي ... يا حياتي ايه انا بالنسبه لك

حبيبي ده انا مخلوق ... مخلوق عشانك ... يا دوب علشانك

علشانك انت

وقلبي قلبي عاش ... على لمس حنانك ... يا دوب حنانك

حنانك انت

حلوة ... حلوة الايام حلوة ... حلوة الأحلام حلوة

حلوة حياتي

حلوة يا سلام ... حلوة بتمر قوام

حلوة ويا حياتي

يا زمان يا زمان يا زمان

يا ليالي طويلة ... احلامها جميلة ... محال تنعاد

يا زمان يا زمان يا زمان

ياليالي بتجري بتطوى اماني وتفوتنا رماد

فيها ايه .. فيها ايه ... لو تنسى اتنين

 اثنين فى الحب ... اتنين بالحب ... اتنين للحب

دايبين عايشين ... دايبين عايشين

عايشين نقول للدنيا بحالها ... ولكل قلب بدقته حس 

يا دنيا حبي وحبي وحبي ... ده العمر هو الحب وبس

واسقيني واملا ... واسقيني تاني

اسقيني تاني م الحب ... منك من نور زماني

اسقيني ياللي من يوم ما شفتك ...  حسيت كأني اتخلقت تاني 

     حسيت كأنى اتخلقت تانى 

       --------------------------------
 

يا حبيبي ... يا عبيرالشوق ... يا حبيبي

يا نصيبي .... من ليالي الشوق ... يا حبيبي

شعر ايه ... ده الكلام ... اللى ف عنيك

خلا احلى ... كلام يغير

عطر ايه ... ده العبير ... اللى ف ايديك

بيقول ايديك ... هيا العبير

م الربيع اللى ف شفايفك لليالي اللى ف عنيك

م اللهيب اللى ف خدودك للحنان اللى ف ايديك

رحلة تاهت روحي فيها وتهت فيك

خبيني من الزمان خبيني

وبعيد عن عيونه داريني

عالفرحه الكبيره يا خوفي لا ياخدها ولا يخليني

خلينى اقول للدنيا بحالها

ولكل قلب بدقته حس

يا دنيا حبي وحبي وحبي ... ده العمر هو الحب وبس

واسقيني واملا ... واسقيني تاني

اسقيني تاني م الحب ... منك من نور زماني

اسقيني ياللي من يوم ما شفتك ...  حسيت كأني اتخلقت تاني 

        حسيت كأنى اتخلقت تانى 

-----------------------------------------------------------------------------------------------------------------------------

 

عن الكاتب

salman2020

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

nawrtna